---------------------------------
-------------------------------------------------
“Hindi sa taong lumalakad ang magtuwid man
lamang ng kaniyang hakbang.” —Jeremias 10:23.
------------------------------------
------------------------------------------------------
“Bakit galit ang mundo sa akin?”
“Bakit ako sa lahat ng tao ang dapat maghirap?”
“Bakit ako palagi ang nasasaktan?”
“Ano ang ginawa ko?”
Ito
ang mga tanong na palaging na sa ating isipan kapag tayo’y nagtitiis. Sa kabila
ng napakagandang mundong na sa isipan natin, laganap pa rin ang diskriminasyon
sa buong mundo. Ang malungkot na katotohanang ito ay hindi lamang nagpapatunay
na napakasama at napakalupit ng panahong kinabubuhayan natin, at ipinakikita
rin nito na hindi perpekto ang mga tao. Diskriminasyon ang dahilan kung bakit
nabibigyan ng maling kahulugan, o ipinagwawalang-bahala pa ng mga tao ang mga
katotohanang salungat sa kanilang mga opinyon. Posibleng pagmulan ng
diskriminasyon ang waring wala namang masama pero maling pamantayang moral sa
loob ng pamilya, o posible rin itong magmula sa mga nagtataguyod ng propaganda
laban sa ibang lahi o kultura. Nariyan din ang nasyonalismo at maling mga turo
ng relihiyon, at maaaring epekto rin ito ng mataas na pride. Ano ang
diskriminasyon? Ito’y isang simpleng salita, ngunit ito’y makapagbigay ng
malubha at mabigat na epekto sa mga taong naging biktima nito.
Bakit may diskriminasyon? Kahit saan ka pang
lumingon, ang diskiriminasyon ay hindi mawawala. May mga taong nanghuhusga
dahil sa kanilang katangian, katungkulan, kakayahan o kapangyarihang kakabit sa
kanilang katauhan, subalit ang hindi nila alam ay nasasaktan na pala ang taong
hinuhusgahan nila. Totoo naman na may mga pagkakataon na akala natin ang ating
ginawa ay hindi nakapagdulot ng sakit sa ibang tao, dahil hindi natin nakita at
naunawaan na nakakasakit na pala tayo. Tayong lahat ay biktima ng
diskriminasyon, ngunit tayong lahat din ang nagkasala sa ibang taong nasaktan
natin sa ating mga salita’t kilos. Tutulungan din tayo nitong suriin ang ating
saloobin nang mas timbang, at harapin ang diskriminasyon sa wastong paraan
kapag naging biktima tayo nito.
ANONG NANGYARI SA ATING BANSA NGAYON?
------------------------------------------------------
Ayon sa isang ulat ng
Human Rights Watch tungkol sa mga estudyanteng LGBT nakararanas ng bullying at
abuso, dumadanas ang mga estudyante sa maraming lugar sa Pilipinas ng bullying
at diskriminasyon sa eskuwelahan, dahil sa kanilang oryentasyong sexual at
identidad sa kasarian. Gayong may batas sa Pilipinas na nagbibigay ng
proteksiyon sa diskriminasyon at pag-etsa-puwera sa mga paaralan. Kailangang
kumilos ng mga mambabatas at administrador ng mga eskuwelahan upang siguruhin
lubos na naipapatupad ang mga ito. Nagdodokumento ang 68-pahinang ulat na
“‘Hayaan N’yo Na Lang Kami’: Diskriminasyon Laban sa Mga Estudyanteng LGBT sa
Pilipinas,” ng lawak ng pang-aabuso sa mga estudyanteng lesbian, gay, bisexual,
at transgender (LGBT) sa sekundaryang paaralan. Dinedetalye rito ang talamak na
bullying at harassment, mga patakaran at gawing mapanghusga, at ang kawalan ng
resources na sumisira sa karapatan at edukasyon ng kabataang LGBT sa ilalim ng
mga internasyonal na batas at naglalagay sa kanila sa panganib. “Ang mga
estudyanteng LGBT sa Pilipinas ay kadalasang target ng pangungutya at pati
karahasan,” sabi ni Ryan Thoreson, isang fellow sa programang pangkarapatan ng
LGBT sa Human Rights Watch. “At sa maraming beses, ang mga guro at
administrador pa ang sumasali sa ganitong pagmamaltrato imbes na magsalita laban sa diskriminasyon at gawing
lugar ang klasrum kung saan matututo ang lahat.”
· ANALISIS---------------------------------------
Bukod sa kanilang pagmamaltrato sa mga
estudyanteng LGBT, hindi rin nagsalita ang mga guro at administrador laban sa
diskriminasyon at gawing lugar ang klasrum kung saan matututo ang lahat. Dahil sa diskriminasyon na ibigay sa mga estudyanteng LGBT, nagreresulta ito sa kawalan
ng suporta na sumisira sa karapatan ng edukasyon. Napansin ng mga mambabatas sa
Pilipinas na isang problema ang pambubully sa sekundaryang paaralan at gumawa
na sila ng mga importanteng hakbang para tugunan ito, ayon sa Human Rights
Watch. Noong 2013, nagpasa ang Kongreso ng Pilipinas ng anti-bullying law at ang Kagawaran ng
Edukasyon (o DepEd) ay naglabas din ng alituntuning nagbabawal sa pambubully na
ayon sa oryentasyong sexual at identidad sa kasarian. Sa kampanya sa
pagkapangulo noong 2016, hayagang nangondena si Rodrigo Duterte sa bullying at
diskriminasyon sa mga LGBT. Nagpahayag noon ang Pangulong Duterte ng pagkontra
sa bullying at diskriminasyon laban sa LGBT, at dapat na gawin niya ito ulit.
Simula idineklara ni Pangulong Duterte ito, ang mga awtoridad sa bawat antas ng
gobyerno ay dapat na gumawa ng hakbang para maitaguyod ang pagiging ligtas,
pagkapantay ng turing, at pagkakaroon ng akses sa edukasyon para sa mga
estudyante. Ang Kagawaran ng Edukasyon ay dapat mag-sarbey sa mga eskuwelahan
para masigurong ang mga proteksiyong kontra-bullying ay maipapatupad nang
lubos, magsanay ng mga guro na tumutugon sa pangangailangan ng mga estudyanteng
LGBT, maisasama ang mga isyung LGBT sa modyul sa kurikulum, at maipalaganap ang
mga patakarang nagbabawal ng diskriminasyon sa mga eskuwelahan. Sa mismong
paaralan, ang mga administrador ay dapat na pagtibayin ang mga patakaran laban
sa bullying at diskriminasyon upang masigurong ligtas at nairerespeto ang
kabataang LGBT. Ang pagbabawal ng bullying ng kabataang LGBT ay nagiging
importanteng unang hakbang, at ngayon ang mga mambabatas at administrador ng
paaralan ay dapat kumilos upang ang mga proteksiyong ito ay mangyaring maging
makabuluhan at nagtataguyod ng respeto sa kabataang LGBT sa kabuuan ng sistemang
ng edukasyon sa Pilipinas.
KATAPUSAN NG PAGTITIIS
------------------------------------------------------
Diskriminasyon?
Parang walang pagkakataong mawala, pero may pag-asa pa ring gumanda ang
sitwasyon. Totoong hindi natin maaalis ang diskriminasyon sa palibot natin,
pero pwede nating alisin ang diskriminasyon na posibleng nasa puso natin. Ang bawat
tao ay natatangi, subalit ang lahat ng tao ay pantay-pantay pa rin. Ang ganda
sanang mabuhay sa mundo kung puro pagmamahalan lamang at walang away o dili
kaya’y diskriminasyon. Kahit ano ang katangian, katungkulan, kakayahan o
kapangyarihang kakabit sa kanilang katauhan, tao pa rin tayo, at mayroon pa rin
tayong pag-asang baguhin ang mga epekto ng diskriminasyon. Dapat din nating
tandaan na tayong lahat ay may tendensiyang magtangi dahil tayo’y makakapag-isip
at makakapagsalita, kadalasan nang kailangan ang malaking pagsisikap at
kabatiran para maiwasan ang diskriminasyon, at kung may sapat na pangganyak,
magagawa ito. Patas tayong lahat, at nasa ating kamay and desisyong magbago.
Kung hindi natin kayang magbago sa ating sarili, paano nating ipakita sa iba na
dapat silang magbago? Lahat naman sa atin ay may pagkakaiba, ngunit kung
marunong tayong magpakumbaba at isipan na lamang ang ikakabuti sa isa’t isa,
marahil hindi na tayo makikipagbangayan.
-----------------------------------
---------------------------------------------------
“Lahat ng tao ay ipinanganak na malaya at may
pare-parehong dangal at karapatan. Sila’y binigyan ng budhi at ng kakayahang
mag-isip at dapat makitungo sa isa’t isa sa espiritu ng
pagkakapatiran.”
—Artikulo 1 ng Pandaigdig na Deklarasyon ng mga Karapatang
Pantao.
--------------------------------------------------
-------------------------------
MGA SANGGUNIAN
------------------------------------------------------
